İsrail qüvvələri İordan çayının qərb sahilinin müxtəlif bölgələrinə basqın edib

İsrail qüvvələrinin işğal altındakı İordan çayının qərb sahilində törətdiyi basqınlar zamanı 16 yaşlı fələstinli həyatını itirib.
Bu barədə Fələstinin WAFA xəbər agentliyinin yaydığı məlumatda bildirilib. Məlumata əsasən, İsrail qüvvələri İordan çayının qərb sahilindəki Ramallahın qərbində yerləşən Kefr Nime qəsəbəsinə basqın edib.
Basqın zamanı İsrail əsgərləri tərəfindən başından vurulan 16 yaşlı Muhammed Murad ed-Dik həyatını itirib.
İsrail ordusu Kalkilya və El-Halil şəhərlərinə və İordan çayının qərb sahilindəki Azun qəsəbəsinə də basqın edib. İsrail əsgərlərinin sözügedən qəsəbələrə etdiyi basqın zamanı iki fələstinlinin saxlanıldığı bildirilib. Basqın səbəbindən İsrail qüvvələri ilə fələstinlilər arasında qarşıdurma baş verib.
2023-cü ilin 7 oktyabrından etibarən İsrail qüvvələrinin və qeyri-qanuni yəhudilərin hücumları nəticəsində İordan çayının qərb sahilində həyatını itirən fələstinlilərin sayı 414-ə yüksəlib.