BMT-nin Əfqanıstan iclası başladı

  Qətərin paytaxtı Dohada Birləşmiş Millətlər Təşkilatının Əfqanıstanla bağlı iclası başlayıb.

  Qətər Xarici İşlər Nazirliyindən verilən məlumatda BMT-nin baş katibi Antonio Quterreşin qatıldığı toplantıda Əfqanıstandakı Taliban administrasiyasının iştirak etmədiyi bildirilib.

  Qətər mərkəzli “Əl-Cəzirə” televiziyasının internet saytında yer alan xəbərdə Əfqanıstan hökumətinin dəvət olunmasına baxmayaraq toplantıya qatılmaqdan imtina etdiyi yazılıb.

  Xatırladaq ki, BMT-nin 2023-cü ilin may ayında Dohada keçirdiyi Əfqanıstanla bağlı ilk iclasa Taliban administrasiyası dəvət edilməyib.