Beynəlxalq Qızıl Xaç Komitəsi: Rusiya-Ukrayna müharibəsi səbəbindən 23 min nəfər itkin düşüb

2022-ci ilin fevralından bəri davam edən Rusiya-Ukrayna müharibəsi səbəbindən 23 min nəfərin itkin düşdüyü bildirilib.

Beynəlxalq Qızıl Xaç Komitəsi (BQXK) müharibə nəticəsində itkin düşənlərlə bağlı yazılı açıqlama verib.

Açıqlamada Rusiya-Ukrayna müharibəsi səbəbiylə 23 min adamın itkin düşdüyü qeyd edilib və bu itkinlərin əsir götürüldüyü, öldürüldüyü və ya evlərini tərk etdiyi bildirilib.

Açıqlamada itkin düşənlərin taleyinə aydınlıq gətirmək üçün araşdırmaların aparıldığı qeyd olunub.

BQXK-nın Mərkəzi Monitorinq Agentliyi Bürosunun rəhbəri Dusan Vucasanin qeyd edib ki, ailələrin itkin düşən qohumlarının başına gələnləri bilmək hüququ var.

Vucasanin minlərlə itkin düşmüş insanların ailələri ilə ünsiyyət qurmalarına kömək etdiklərini bildirib.