Nigeriya Türkiyedən aldığı iki döyüş helikopterini sahədə istifadə etməyə başlayır

Nigeriya Türkiyedən aldığı iki döyüş helikopterini sahədə istifadə etməyə başlayır.

Təhlükəsizlik problemləri ilə mübarizə aparan Nigeriyada Türkiyedən alınan iki ədəd "T129 ATAK" döyüş helikopterinin istifadəyə verilməsi mərasimi keçirilib.

Benue əyalətinin paytaxtı Makurdidə Nigeriya Hərbi Hava Qüvvələrinin (NAF) bazasında təşkil edilən mərasimdə vitse-prezident Kaşim Şettima, müdafiə naziri Badaru Abubakar, Türkiyenin Abucadakı səfiri Hidayet Bayraktar, Nigeriya Quru Qoşunlarının komandanı Taoreed Laqbaca və çoxlu qonaq iştirak edib. 

Şettima mərasimdə etdiyi çıxışında Prezident Bola Əhməd Tinubunun yeni alınan helikopterlərin yerləşdirilməsinin həm ölkə daxilində, həm də Qərbi Afrika bölgəsində təhlükəsizlik problemlərinin həllinə əhəmiyyətli töhfə verəcəyinə inandığını ifadə edib.

Qeyd edək ki, Nigeriya son zamanlar ölkənin müxtəlif bölgələrində Boko Haram və ISWAP kimi terror təşkilatlarının, eləcə də silahlı dəstələrin hücumları ilə qarşı-qarşıya qalır.

Türkiyedən alınan döyüş helikopterlərinin Nigeriyada təhlükəsizlik problemləri ilə mübarizə aparacağı gözlənilir.