Cənubi Koreyada ana müxalifət liderinə hücum olub

Cənubi Koreyanın əsas müxalifətçi Demokratik Partiyasının lideri Li Jae-Myung Busanda tikinti sahəsinə baş çəkərkən boynundan bıçaqlanaraq hücuma məruz qalıb.
Cənubi Koreyanın Yonhap agentliyinin məlumatına görə, insident səhər saatlarında Li Pusanın Gadeok adasındakı tikinti sahəsini ziyarət edərkən baş verib.

Mətbuat mənsublarının suallarını cavablandırarkən təcavüzkar avtoqraf almaq bəhanəsi ilə Liyə yaxınlaşıb və əlindəki kəsici alətlə onun boynuna xəsarət yetirib.

Hücumdan sonra boynunda qanaxma ilə huşunu itirən Li müalicə üçün xəstəxanaya aparılıb.

Kişi olduğu bildirilən təcavüzkar hadisə yerində yaxalanarkən onun şəxsiyyəti və təsviri ilə bağlı hələlik ətraflı məlumat verilməyib.

Prezidentin sözçüsü Kim Soo-Kyunq bildirib ki, Prezident Yoon Suk Yeol hadisədən sonra Linin xəstəxanaya yerləşdirilməsinə və mümkün qədər tez müalicə olunmasına, hücumun araşdırılması və faktların müəyyənləşdirilməsinə göstəriş verib.

Kim Yoonun belə bir hücumun heç bir şərtlə qəbul edilə bilməyəcəyini vurğuladığını ifadə edib.