İsrail gecə boyu Qəzzanı bombalamağa davam edib

İsrail ordusu dünən gecə Qəzzanın müxtəlif bölgələrinə ən böyük hücumlarından birini həyata keçirib. Hər saniyə bombanın atıldığı şəhərdə yüzlərlə fələstinli həyatını itirib.
İsrail ordusunun döyüş təyyarələri və artilleriyası gecə boyu eyni vaxtda hücumlar həyata keçirib.

Hava zərbələri nəticəsində çox sayda fələstinli həyatını itirib, onlarla insan yaralanıb.

Mülki müdafiə qrupları çox məhdud imkanlarla bombardman nəticəsində dağılan evlərin dağıntıları altından hələ də çıxarılmayan çoxlu sayda insanı xilas etmək üçün cəhd göstərir.

Fələstinin rəsmi xəbər agentliyi WAFA-nın şəhərdəki tibbi mənbələrə əsaslandırdığı məlumata görə, ölənlərin 70 faizi uşaqlar, qadınlar və qocalardır.

İsrail Qəzzaya qarşı hücumların 16-cı günündə şəhərin müxtəlif bölgələrindəki yaşayış məntəqələrini döyüş təyyarələri və top atəşləri ilə eyni vaxtda bombardmanlarında ən azı 25 qırğın törədib.

Şəhərin bir çox bölgəsinə havadan və qurudan edilən hücumlar nəticəsində bir gündə 400-dən çox fələstinli həyatını itirib.

Uçmuş binaların dağıntıları altında hələlik vəziyyəti məlum olmayan xeyli insanın olduğu qeyd edilir.

WAFA-nın Səhiyyə Nazirliyinə əsaslandırdığı məlumata görə, işğal qüvvələri Qəzza zolağındakı bəzi məhəllələri xəritədən tamamilə silib. Dağıntıya çevrilən ərazilərdə “bəzi ailələrin bütün üzvlərinin ölü kimi qeyd olunmasına” səbəb olub.

İsrailin blokadası və intensiv hücumları altında olan Qəzza zolağında humanitar böhran yaşanır. Yanacağın tükənmə həddinə çatdığı xəstəxanalarda müalicə də çətinləşir.

Xəstəxanalara yanacaq verilməməsi 1100 böyrək çatışmazlığı xəstəsinin həyatını təhlükə altına qoyur.

Qəzzada Səhiyyə Nazirliyi böyrək çatışmazlığı olan xəstələrə xəbərdarlıq edib. O, xəstəxanalara yanacaq verilməməsinin 38-i uşaq olmaqla 1100 xəstənin həyatını təhlükə altına alacağını vurğulayıb.

İsrail ordusunun sözçüsü Aviçay Adraee verdiyi açıqlamada Qəzzaya yanacağın girişinə icazə verilməyəcəyini açıqlayıb.

Digər tərəfdən, İsrail döyüş təyyarələri Qəzza zolağının mərkəzi hissələrində Şəfa xəstəxanası və Qüds xəstəxanası ətrafındakı əraziləri də hədəf alıb.