İsveç terror şkalası üzrə neçənci səviyyədədir?

  İsveçdə milli terror təhlükəsi səviyyəsi 3-dən 4-ə qaldırılıb.

  İsveç Kəşfiyyat İdarəsinin (SEPO) rəhbəri Şarlotta fon Essen (Charlotte von Essen) paytaxt Stokholmda keçirdiyi mətbuat konfransında deyib: “İsveçin təhlükəsizlik vəziyyəti Quran yandırma aksiyaları və onlara qarşı etirazlar səbəbindən pisləşib.

  Biz milli terror şkalası üzrə 5 ballıq təhlükə səviyyəsini 3-dən 4-ə çıxardıq. Qərar getdikcə pisləşən təhlükə səviyyəsinin ümumi qiymətləndirilməsinə əsaslanır".

  Qeyd edək ki, İsveçdə Qurani-Kərimə qarşı təxribat xarakterli hücumlardan sonra Böyük Britaniya İsveçə səfər edən vətəndaşlarına avqustun 12-də "terror hücumu ilə bağlı xəbərdarlıq” edib.

  İsveçin Milli Təhlükəsizlik müşaviri Henrik Landerholm da avqustun 13-də yazılı açıqlama verərək xaricdəki isveçliləri və İsveçə bağlı şirkətləri ehtiyatlı olmağa çağırıb.