Yaponiya hökumətdə dəyişiklik etməyi planlaşdırır

  Yaponiya baş naziri Fumio Kişida sentyabrın birinci yarısında hökumətdə və hakim Liberal Demokrat Partiyasının (LDP) rəhbərliyində dəyişiklik etməyi planlaşdırır. Bu barədə “Yomiuri” qəzeti hökumətdəki mənbələrə istinadən məlumat yayıb.

  Nazirlər Kabineti və LDP-nin tərkibində dəyişikliklər sentyabrın 11-dən 13-dək baş tutacaq. Eyni zamanda, əsas nazirlər, eləcə də Nazirlər Kabinetinin baş katibi Hirokazu Matsuno öz vəzifələrini qoruyacaqlar.