Rusiya Ukraynanın Dnepr şəhərinə raket zərbələri endirib

Rusiyanın Ukraynanın Dnepr şəhərinə raket hücumu nəticəsində 9 nəfər yaralanıb.
Ukrayna Daxili İşlər Nazirliyindən verilən açıqlamada Rusiyanın Dnepr şəhərinə raket hücumu təşkil etdiyi bildirilib.
Açıqlamada raketin mülki şəxslərin yaşadığı binaya düşdüyü qeyd edilib.
"Hücum zamanı 9 nəfər yaralanıb. Onların arasında 2 uşaq da var" deyə açıqlamada vurğulanıb.
Ukrayna prezidenti Volodimir Zelenski hadisə ilə bağlı Telegram kanalında etdiyi paylaşımda deyib:
"Raket hündürmərtəbəli binaya və Ukrayna Təhlükəsizlik Xidmətinin binasına düşüb. Bu, Rusiyanın raketlə törətdiyi terror hücumudur. Biz xalqımıza qarşı hücuma və terrora görə Rusiyanı cəzalandırmaq üçün əlimizdən gələni edəcəyik". 
2022-ci il fevralın 24-də Rusiya prezidenti Vladimir Putin Ukraynanı işğal etmək əmrini verdi və bununla da Rusiya-Ukrayna müharibəsi başladı.