Sirri açıqlanmayan "Gilgo Beach” cinayətlərinin qatili ələ keçdi
ABŞ mətbuatında yer alan xəbərlərə görə...
Amerika Birləşmiş Ştatlarının (ABŞ) Nyu-York şəhərində bir memar ştatın Lonq-Aylend (Long İsland) bölgəsində 2010-cu ildən bəri üstü açılmayan və ən azı 10 nəfərin ölümü ilə əlaqəli olan silsilə qətllərdə şübhəli qismində saxlanılıb.
ABŞ mətbuatında yer alan xəbərlərə görə, 2010-cu ildən bəri ən az 10 qurbanın qalıqlarının tapıldığı və "Gilgo Beach” (Qilgo çimərliyi) kimi bilinən cinayətlərə görə şübhəli 15 iyunda hakim qarşısına çıxarılacaq.
Nyu-Yorkdakı “Gilgo Beach” cinayətləri ilə bağlı bir saxlanılan adamın adı Reks Hoyermandır (Heuerman). O, Lonq-Aylenddə doğulub-böyüyüb. 1994-cü ildən Nyu-Yorkda yerləşən memarlıq və konsaltinq firması “RH Consultants & Associates”in sahibi və qeydiyyatdan keçmiş memar idi.
Ölənlərin telefon məlumatlarının araşdırılması nəticəsində ələ keçən qatilin Lonq-Aylenddəki Massapequa parkı yaxınlığındakı evində axtarış aparılıb.
Bildirək ki, 2010-cu ildən Lonq-Aylendin cənubundakı çimərlikdə müxtəlif vaxtlarda 8 qadın, bir kişi və bir uşaq olmaqla ən azı 10 insan qalığı tapılıb. Sirri açıqlanmayan “Gilgo Beach” qətlləri ictimaiyyətdə qorxuya səbəb olmuşdu.
Әlaqәli Xәbәrlәr
Entoni Blinken Çinə etdiyi səfəri qiymətləndirib
Entoni Blinken CNN International-a verdiyi müsahibə zamanı Çinə etdiyi səfəri qiymətləndirib.