Avropa İnsan Haqları Məhkəməsi Fransa hökumətini təqsirləndirdi

  Avropa İnsan Haqları Məhkəməsi Fransa hökumətini həbsxanalarda həcmi aşmaqda təqsirləndirib.

  Məhkəmənin açıqladığı qərara görə, Parisin cənubundakı Fresnes həbsxanasında saxlanılan 3 keçmiş məhbus 2016-2019-cu illərdə saxlandıqları vəziyyətə görə hökumətə qarşı açılan davanı qazanıb.

  Məhkəmə 2-si fransız olmaqla 3 məhbusun 2019-cu ildə 197 faiz dolu olan həbsxanada saxlanılmasını “Avropa İnsan Haqları Konvensiyasının 3 və 13-cü maddələrini pozmaq” adlandırıb.

  3-cü maddədə “heç kim qeyri-insani və ləyaqəti alçaldan rəftara məruz qala bilməz”, 13-cü maddədə “hüquq və azadlıqları hətta rəsmi orqanlar tərəfindən pozulan bir kəsin müvafiq orqanlara müraciət etmək haqqı qəbul edilməlidir” yazılır.

  2020-ci ildə oxşar vəziyyətə görə məhkəmə “bu məsələdə fərqli bir nəticəyə gəlmək üçün heç bir səbəb görmədiyi” səbəbiylə Fransa hökumətini üç iddiaçıya 46 min avro cərimə ödəməyə məhkum etmişdi.

  Məhkəmə həmçinin bildirib ki, sözügedən məhbusların daxili müdafiə vasitələrini tükətmədən məhkəməyə müraciətləri qanunsuzdur.

  Fransa mətbuatının Ədliyyə Nazirliyi məlumatlarına əsasən yazdıqlarına görə, ölkə həbsxanalarında sıxlıq 120 faizə yüksəlib və kvotadan artıq 15 min məhbus var.