Hindistanda anomal istilər səbəbindən həyatını itirənlərin sayı 166 nəfərə çatıb

Hindistanda davam edən şiddətli istilər nəticəsində 166 nəfər həyatını itirib.

Səlahiyyətlilərin məlumatına görə, indiyədək Uttar Pradeş əyalətində 119, Bihar əyalətində 47 nəfər isti nəticəsində dünyasını dəyişib.

Uttar Pradeş ştatının Ballia şəhərində xəstəxana dolduğundan istinin təsirinə məruz qalan xəstələrin qəbulu dayandırılıb, morqda yer çatışmadığı üçün ölənlərin yaxınları cəsədləri evlərinə aparmalı olub.

Şiddətli istilər səbəbindən Bihar əyalətində bütün məktəblər iyunun 24-dək bağlanılıb.