Mərakeş sahillərində 552 qeyri-qanuni miqrant xilas edilib

Aprelin 8-dən etibarən Mərakeş sahillərində 552 qeyri-qanuni miqrant xilas edilib.
Bu barədə Mərakeşin rəsmi MAP xəbər agentliyi bəyanat yayıb.
Bəyanatda Kral Donanmasına tabe olan sahil mühafizə xidmətinin Aralıq dənizi və Atlantik okeanında nizamsız miqrantlara qarşı apardığı əməliyyatlar haqqında məlumat verilib.
Məlumatda sahil mühafizə xidmətinin 8-18 aprel tarixləri arasında  552 qeyri-qanuni miqrantın xilas edildiyi, sözügedən şəxslərin əksəriyyətinin Afrika ölkələrindən olduğu qeyd edilib.
Xilas edilən miqrantların lazımi əməliyyatlar tamamlandıqdan sonra müvafiq bölmələrə təhvil verildiyi vurğulanıb.