ABŞ qoşunlarının Suriyadan çıxarılmasını tələb edən qanun layihəsi səsə qoyulub

ABŞ Konqresinin aşağı palatası - Nümayəndələr Palatası respublikaçı deputat Mett Getz tərəfindən təqdim olunan prezident Co Baydeni bütün Amerika əsgərlərini Suriyadan çıxarmağa çağıran qanun layihəsinə səs verib.
ABŞ-da demokratlardan 56, respublikaçılardan isə 47 deputat qanun layihəsini dəstəkləyib. Qanun layihəsi lehinə 103, əleyhinə isə 321 səs verilərək rədd edilib. 

Parlamentin Respublikaçı üzvü Matt Getz Suriyada yaranan mürəkkəb tənliyə işarə edərək, amerikalıların Suriyanın necə böyük güclərin rəqabət meydanına çevrildiyi ilə maraqlana biləcəyini söyləyib.

Suriya rejiminin öz xalqına atəş açması ilə başlayan hadisələrdə Körfəz ölkələrinin müxalifətə verdiyi dəstəyi xatırladan Getz İranın təkcə Suriyaya dəstək vermədiyini, Hizbullahı da meydana çıxararaq Suriyanı işğal etdiyini qeyd edib. Getz Rusiyanın da müdaxilə etdiyini və beləliklə də Şərqi Aralıq dənizinə enərək durumu daha da mürəkkəb hala gətirdiyini bildirib.

Suriyadakı PKK/YPG qüvvələrinə də toxunan Getz “Bütün bunların qarşısında Suriyaya müharibə elan edən kürdlər ortaya çıxdı və vəziyyəti daha da mürəkk hala gətirən isə kürdlərin NATO müttəfiqimiz Türkiye ilə də qarşıdurmada olmasıdır” deyib.

2015-ci ildə Suriyadakı “qarışıqlığa” ABŞ-ın daxil olduğunu və orada amerikalıların həyatını itirdiyini bildirən Getz bu çərçivədə milyardlarla dollar xərcləndiyini də vurğulayıb. Getz Türkiyenin Suriyada DEAŞ-la mübarizə apardığını və Suriya rejimi və Rusiyanın terror təşkilatına təzyiq edə biləcəyi bir mühitdə DEAŞ terror təşkilatının varlığı ilə yoxluğu arasında 900 Amerika əsgərinin olduğuna inanmadığını da bildirib.

Qanun layihəsini dəstəkləyən respublikaçı deputat Marjorie Taylor Grene isə bildirib ki, Müdafiə Nazirliyi Suriyaya deyil, ölkəyə narkotik keçirən Meksika kartelləri ilə mübarizə aparmalıdır.

Seçki dairəsindən heç bir amerikalının ona “Biz Suriyada döyüşə getməliyik” demədiyini bildirən Grene xarici torpaqlarda çox sayda Amerika əsgərinin həyatını itirdiyinə diqqət çəkib.