Baş Assambleyada Türkiye və Suriyada baş verən zəlzələlərdən sonrakı vəziyyət müzakirə edilib

AP Baş Assambleyasında Türkiye və Suriyada baş verən zəlzələlərdən sonrakı vəziyyət müzakirə edilib.
Avropa Parlamentinin (AP) Baş Assambleyasında Türkiye və Suriyada Kahramanmaraş mərkəzli zəlzələlərdən sonra mövcud vəziyyət və yardım səyləri ilə bağlı iclas keçirilib.
Fransanın Strasburq şəhərində toplanan AP Baş Assambleyasında zəlzələlərdə həyatını itirənlərin xatirəsi bir dəqiqəlik sükutla yad edilib.

İclasda zəlzələlərdən sonra mövcud vəziyyət və yardım səyləri ilə bağlı çıxış edən Aİ Komissiyasının böhranların idarə edilməsi, mülki müdafiə və humanitar yardımdan məsul üzvü Yanez Lenarçiç çıxışına səmimi başsağlığı verməklə başlayıb.
Keçən həftə Qaziantepə səfər etdiyini bildirən Lenarçiç "Aİ-nin mülki müdafiə mexanizmi 21 Aİ üzvü və digər üç iştirakçı ölkədən cəmi 32 axtarış-xilasetmə qrupu və 6 tibb işçi qrupu təmin etdi" deyib.

Lenarçiç bildirib ki, humanitar tərəfdaşlarımıza daha 3 milyon avro ayırdıq ki, Türkiyedə zərər çəkmiş bölgələrdə ən təcili ehtiyaclar ödənilsin. 
"Aİ dağıdıcı zəlzələdən sonra Türkiye və Suriyada zərər çəkmiş əhaliyə yardım etmək öhdəliyi götürür və bu səylər üçün bu Parlamentdən aldığım çox güclü dəstəyə görə sizə təşəkkür edirəm", - Lenarçiç deyib.

Suriyanın şimal-qərbinə çıxışın “ciddi problem” olduğunu bildirən Lenarçiç Rusiyanın bu məsələ ilə bağlı Birləşmiş Millətlər Təşkilatı (BMT) Təhlükəsizlik Şurasında sərt mövqeyinə toxunub və Aİ-nin birdən çox keçid məntəqəsinin  açılmasının tərəfdarı olduğunu bildirib.

Lenarçiç Bəşər Əsəd rejiminin iddialarının əksinə olaraq, Aİ-nin rejimə qarşı tətbiq etdiyi sanksiyaların qida, dərman, tibbi ləvazimat və bu kimi yardımların çatdırılmasına mane olmadığını təkrarlayıb.

AP-nin Türkiye məruzəçisi və Sosialistlər və Demokratların Mütərəqqi Alyansının AP Qrupunun üzvü Nacho Sanchez Amor dağıntıların 2010-cu ildə Haiti zəlzələsi ilə müqayisə oluna biləcəyinə diqqət çəkib.

Nacho Sanchez Amor vurğulayıb ki, Aİ-nin yardımı öz sürətini qorumalı, bütün siyasi narahatlıqlar bir kənara qoyulmalı və Türkiye ictimaiyyəti ilə empatiya yaranmalıdır.

Aİ adından Türkiye-Avropa İttifaqı Birgə Parlament Komissiyasının həmsədri, Yaşıllar/Avropa Azad Alyansının alman deputatı Sergey Laqodinski Avropanın bir çox şəhərində, xüsusilə Almaniyada insanların türk qardaşları üçün yas tutduqlarını deyib.

Laqodinski qeyd edib ki, yaxşı ki, Aİ Komissiyası Türkiye və Suriyaya pul və avadanlıq göndərmək üçün üzv dövlətlərlə işləyir. Amma mən Türkiyedən və Suriyadan olan insanlarla danışmışam və hamısı bir çağırış edir. Bu yardımın həqiqətən ehtiyacı olanlara çatmasını təmin etmək üçün dərhal addım atımladır.

Suriyaya edilən yardımın Əsəd rejiminin əlinə keçməməsinin lazım olduğuna diqqət çəkən Laqodinski başda Ağ Dəbilqəlilər olmaqla rejim tərəfindən tanınmayan təşkilatlara yardımların edilməsini istəyib.

Laqodinski “Kimin yaşayıb, kimin öləcəyinə Bəşər Əsədin qərar verməsinə imkan verməyək. Artıq insanlığın hər şeydən üstün olduğuna əmin olmalıyıq” deyib.