Frank-Valter Ştaynmayer: ''Kədərinizi bölüşürük''

Almaniya prezidenti Frank-Valter Ştaynmayer fevralın 6-da Kahramanmaraşda baş verən zəlzələ ilə bağlı deyib:''Kədərinizi bölüşürük. Sizin dərdiniz bizim dərdimizdir''.
Frank-Valter Ştaynmayer rəsmi internet səhifəsində paylaşdığı videomesajda bazar ertəsi günü Türkiye və Suriyada baş verən zəlzələ qurbanlarına görə kədərləndiyini ifadə edib.
Bir çox insanın evlərinin dağıntıları altında qaldığını vurğulayan Steinmeier deyib: “Onların çoxu evlərini və əşyalarını itirdi. Qarda və soyuqda müdafiəsiz vəziyyətdədirlər''.
Zəlzələ nəticəsində həyatını itirənlər üçün yas tutduqlarını bildirən Almaniya prezidenti Almaniyada Türkiyedə və ya Suriyada qohumları və dostları olan insanlara müraciət edərək deyib:
“Bu gün sizə müraciət edirəm. Yaşadıqlarınızı görürük. Kədərinizi bölüşürük.Sizin dərdiniz bizim dərdimizdir. Bu günlərdə xarabalığa çevrilmiş şəhərlərdə və burada bizimlə yardım edən hərkəsə təşəkkür edirəm. Hal-hazırda yorulmadan yardım daşıyanlar, ianə toplayanlar və ya yardım edən çox sayda insan var.Sizə ölkəmiz adından ürəkdən təşəkkür edirəm. ''Danke''- təşəkkürlər edirəm!''. 
Türkiyedə və ya Suriyada baş verən zəlzələlərdə hər şeyini itirən insanların indi köməyə ehtiyacı olduğunu ifadə edən Steinmeier deyib:
“Fəlakətin görüntüləri başqa xəbərlərlə əvəzləndikdə, onların bizim həmrəyliyimizə və dəstəyimizə ehtiyacı olacaq''.