Avstriya və İsveçrədə qar uçqunu, ölənlər var

TRT xəbər verir ki, bu barədə Tirol polis idarəsindən məlumat yayılıb. Bildirilir ki, ölkənin Langenfeld im Ötztal, Kaunerberg, Debanttal, St. Anton-am-Arlberq bölgəsindəki xizək kurortlarında qar uçqunu nəticəsində 5 nəfər həyatını itirib. Qeyd edilib ki, ölənlərdən üçü 3 idmançı, biri sürücü və biri də turistdir.

İsveçrədə də qar uçqunu nəticəsində biri qadın 2 nəfərin öldüyü bildirilir.

İsveçrə mətbuatının xəbərinə görə, ölkənin Graubuenden bölgəsində qar uçqunu nəticəsində trasdan xizəklə çıxan 2 nəfər həyatını itirib, itkin düşən bir nəfər sağ xilas edilib.