Prezidentin evindən daha 6 məxfi sənəd tapıldı
ABŞ Ədliyyə Nazirliyinin (DoJ) müstəntiqləri Baydenin Vilminqtondakı iqamətgahında təxminən 13 saat davam edən axtarış aparıblar
1936237
ABŞ prezidenti Co Baydenin Delaver ştatının Vilminqton şəhərindəki iqamətgahında aparılan axtarışlar nəticəsində daha 6 məxfi sənəd aşkar edilib.
C.Baydenin 2009-2017-ci illərdə vitse-prezident olduğu dövrə aid məxfi sənədlər ortaya çıxmaqdadır.
ABŞ Ədliyyə Nazirliyinin (DoJ) müstəntiqləri Baydenin Vilminqtondakı iqamətgahında təxminən 13 saat davam edən axtarış aparıblar. Nəticədə 6 yeni məxfi sənəd tapılıb. Sənədlərin bəziləri Baydenin senator olduğu dövrə, bəziləri isə Barak Obamanın vitse-prezident olduğu dövrə aiddir.
Qeyd edək ki, Co Baydenin vitse-prezidentliyinin gizli sənədləri ilk dəfə 2022-ci ilin noyabr ayında bəlli olub. Faktla bağlı ABŞ Ədliyyə Nazirliyi araşdırmalara başlayıb.