Volodimir Zelenski: ''Rusiya ordusuna lazımi cavabı verəcəyik''

Ukrayna prezidenti Volodimir Zelenski Rusiya ordusunun niyyətini cəbhədə gördüklərini və buna uyğun cavab verəcəklərini qeyd edib.
Bu barədə Volodimir Zelenski rəsmi teleqram kanalında etdiyi paylaşımda bildirib. 
Ukrayna Prezidenti Volodimir Zelenski Ukrayna Silahlı Qüvvələrinin rəsmiləri ilə görüşdüklərini və ölkəsində Rusiyaya qarşı davam edən müharibənin təfərrüatlarını müzakirə etdiklərini bildirib.
Volodimir Zelenski deyib: "Terror dövlətinin (Rusiya) müxtəlif hərəkətlərinə hazırlaşırıq.Niyyətini görürük və lazımi cavabı verəcəyik".

Volodimir Zelenski paytaxt Kiyevdə keçirilən Ukrayna Səfirləri Konfransının açılışındakı çıxışında ukraynalı diplomatları beynəlxalq arenada fəal işləməyə dəvət edib.
''Ukraynanın qısa müddət ərzində qələbə qazanması və xalqın daha təhlükəsiz olması üçün bu gün dünya miqyasında daha effektiv əlaqələr qurulmalıdır'' deyən Volodimir Zelenski bildirib ki, siz və mən düşməndən daha az yatmalıyıq, düşməndən çox düşünməliyik və düşməndən daha çox risk etməliyik.
Zelenski qlobal ərzaq böhranının həlli üçün Türkiyenin koordinasiyası ilə həyata keçirilən taxıl daşınması prosesini də xatırladıb və indiyədək Ukrayna limanlarından dünyanın 40-dan çox ölkəsinə 14 milyon tondan çox taxıl məhsulunun göndərildiyini açıqlayıb. 
Beynəlxalq arenada Rusiyaya qarşı sanksiyaların tətbiqi kimi addımların davam etdirilməsinin vacibliyini vurğulayan Volodimir Zelenski deyib:"Hamımız üçün ən vacib vəzifə bu müharibədə qalib gəlməkdir. Bunu etməliyik və uğur qazanacağıq".