Malidә törәdilәn terror aktı nәticәsindә hәlak olan hәrbçilәrin sayı 42-yә yüksәlib
Avqustun 7-də Malinin Qao bölgəsində törədilən terror aktında həyatını itirən əsgərlərin sayı 42-yə yüksəlib.
Avqustun 7-də Malinin Qao bölgəsində törədilən terror aktında həyatını itirən əsgərlərin sayı 42-yə yüksəlib.
Hökumətdən verilən yazılı açıqlamada DEAŞ-a tabe olan terror qruplaşmalarının Ansonqo rayonunun Tessit kəndində həyata keçirdiyi hücumda həyatını itirən əsgərlərin sayının 42-yə yüksəldiyi qeyd edilib.
Hücumda 22 əsgərin yaralandığı, 37 terrorçunun zərərsizləşdirildiyi bildirilib.
Hücumla əlaqədar avqustun 10-da 3 günlük milli matəm elan edilib.
Xatırladaq ki, bazar günü terror aktı nәticәsindә 17 əsgərin həlak olduğu bildirilmişdi.
Qeyd edәk ki, Burkina Faso, Mali və Niger son illərdə terror təşkilatı Əl-Qaidə və DEAŞ-a tabe olan qruplaşmaların hücumlarına məruz qalır.
2013-cü ildən bəri Malidə yerləşən xarici hərbi missiyalara baxmayaraq, ölkədəki terror təşkilatları hücumlarını davam etdirir.