Meymunçiçəyi xəstəliyinə yoluxanların sayında artım qeydə alınıb
Ümumdünya Səhiyyə Təşkilatı (ÜST) dünyada meymunçiçəyi xəstəliyinə yoluxanların sayının 6000-dən çox olduğunu bildirib.
ÜST-nin baş direktoru doktor Tedros Adhanom Qebreyesus meymunçiçəyi epidemiyasına dair mətbuata açıqlamasında: “İndiyədək 58 ölkədən olmaqla 6 mindən çox hadisəni təsdiqlədik. Ancaq hadisələrin test ilə müəyyənləşdirilməsində hələ də çətinliklər olduğu üçün çox güman ki, xeyli sayda hadisə rəsmi olaraq qeydə alına bilməyib”.
Avropanın meymunçiçəyi epidemiyasının mərkəzi olmağa davam etdiyini ifadə edən Qebreyesus, hadisələrin 80% faizinin Avropa ölkələrində qeydə alındığını vurğulayıb.
Virusun Afrikada da yayıldığına toxunan Qebreyesus, qitədə üzrə yeni hadisələrin qeydə alındığına diqqət çəkib və virusun yayılmağa davam edəcəyini, bu səbəbdən “Fövqəladə Hallar Komitəsini” iyunun 18-də və ya daha əvvəl iclasa çağırmağı planlaşdırdıqlarını sözlərinə əlavə edib.