Albaniyanın BMT-dəki səfiri: "Türkiyə NATO-nun ən güclü ölkələrindən biridir"

BMT Təhlükəsizlik Şurasına (BMT TŞ) sədrlik edən Albaniyanın BMT-dəki səfiri Ferit Xoca Türkiyənin NATO-nun ən güclü ölkələrindən biri olduğunu bildirib.

İyun ayında BMT Təhlükəsizlik Şurasına sədrlik edən Albaniyanın BMT-dəki daimi nümayəndəsi Xoca mətbuat konfransında İsveç və Finlandiyanın NATO-ya üzvlük müraciətlərini dəyərləndirib.

İsveç və Finlandiyanın NATO üzvlüyü üçün həll yolunun tapıla biləcəyini ifadə edən Hoca "Türkiyə NATO üzvlərinə dost ölkədir və NATO-nun ən güclü ölkələrindən biridir. Əminəm ki, Türkiyə hər kəs kimi Ukraynada baş verənlərdən sonra yenidən dirçələn güclü Alyans istəyir. İndi hər kəs bu kollektiv müdafiə Alyansının nə qədər vacib olduğunu görür" deyib.