Pakistanda partlayış, ölәn vә yaralananlar var

Pakistanın Kəraçi Universitetində baş verən partlayışda ilkin məlumata görə, 4 nəfər ölüb, çox sayda adam yaralanıb.

Geo News telekanalının yaydığı mәlumata әsasәn, universitetin kampusunda  naməlum səbəbdən avtomobildə partlayış baş verib.

İlkin məlumata görə, partlayış nəticəsində 2-si xarici vətəndaş olmaqla 4 nəfər həyatını itirib, çox sayda adam yaralanıb.

Bölgəyə çox sayda yanğınsöndürən və ilk yardım briqadaları cәlb olunub.

Təhlükəsizlik qüvvələri partlayışın səbəbini araşdırır.