İsrail: Livanda bəzi hədəflər vuruldu

İsrail ordusu artilleriya birləşmələrinin Livandakı bəzi hədəfləri vurduğunu açıqlayıb.

Açıqlamada "Artilleriya birləşmələri hazırda Livandakı hədəfləri bombalayır. İsrail ərazisinə doğru atılan raketə cavab olaraq həmin bölgəyə atəş açılır".

Açıqlamada artilleriya bölmələrinin hara zərbə endirdiyi ilə bağlı təfərrüatlar paylaşılmayıb.

Qeyd edək ki, İsrail ordusu gecə saatlarında verdiyi açıqlamada Livan ərazilərindən ölkənin şimalına raket atıldığının müşahidə edildiyini və raketin açıq əraziyə düşdüyünü bildirib.