ABŞ kəşfiyyatı: Putin komandirlərinə hücum əmri verdi
Amerika kəşfiyyatı Rusiya ilə Ukrayna arasında gərginliyin tarıma çəkildiyi bir vaxtda mediaya Putin ilə əlaqəli maraqlı iddia sızdırıb.
ABŞ kəşfiyyatı: Rusiya ordusu komandirlərinə Ukraynaya hücum təlimatı verib.
"Washington Post qəzeti" və "CNN" televiziyasının ABŞ rəsmilərinə istinad etdiyi xəbərində, Amerika kəşfiyyatının prezident Putinin ordu komandirlərinə Ukraynaya hücum əmri verdiyinə dair məlumat əldə etdiyinə diqqət çəkilib və Prezident Co Bayden ilə ABŞ dövlət departamentinin rəhbəri Antoni Blinkenin kəşfiyatın əldə etdiyi məlumata əsaslanaraq Putinin Ukraynanı işğal etmək qərarına gəldini açıqladıqları bildirilib.
Xəbərlərdə sözügedən məlumatın Rusiya tərəfindən hədəfi çaşdırmaq məqsədi ilə yayıldığı ehtimalına diqqət çəkilib.
Xatırladaq ki, Prezident Bayden cümə günü verdiyi açıqlamada Vladimir Putinin Ukraynanı işğal etmək qərarına gəldiyini və Rusiya ordusunun Kiyevi işğal edə biləcəyini bildirdi. Blinken isə bazar günü CNN telekanalında müsahibəsində Rusiyanın bölgədəki fəaliyyətini “İşğal prosesinin başlanğıcı” deyə xarekterizə etdi.
Ağ Evdən yayılan açıqlamada isə prezident Co Baydenin Moskvanın Ukraynanı işğal planının olmaması halında Rusiya prezidenti Putinlə görüşmək barədə prinsipial razılığa gəldiyi bildirilib. Bəyanatda həmçinin qeyd edilib ki, ABŞ böhranın diplomatik yolla həlli ilə əlaqəli lazımlı addımları atmaqda hazırdır. Lakin Rusiya işğaldan imtina etməzsə, sanksiyalarlardan xilas ola bilməyəcək.