"Bu il epidemiyanın qarşısını ala bilərik, lakin bu fürsəti əldən vermək riski artıb", A. Qebreyesus

Ümumdünya Səhiyyə Təşkilatının (ÜST) Baş direktoru Doktor Tedros Adhanom Qebreyesus "Bəzi ölkələrdə yüksək peyvəndlənmə nisbəti və "Omicron" variantının yüngül keçməsi yeni növ koronavirus (Covid-19) epidemiyasının bitdiyi barədə yalan söyləm yaradır" deyib.
ABŞ-da keçirilən  "Covid-19" Qlobal Fəaliyyət Yığıncağına videokonfrans vasitəsilə qoşulan Qebreyesus "Covid-19" epidemiyası ilə bağlı son vəziyyət haqqında danışıb.

Qebreyesus ÜST-nin bu ilin ortalarına qədər hər bir ölkə əhalisinin 70 faizini peyvənd etmək məqsədinin əhəmiyyətinə diqqət çəkib:

"Bu il epidemiyanın qarşısını ala bilərik, lakin bu fürsəti əldən vermək riski artıb" .

116 ölkənin ÜST-nin qarşıya qoyduğu “əhalinin 70 faizinin peyvənd edilməsi” hədəfinə çata bilməyəcəyinin nəzərdə tutulduğunu vurğulayan Qebreyesus siyasi liderlərin peyvənd prosesini sürətləndirməyə təşviq edilməsinin vacibliyini qeyd edib.

Baş direktor "Covid-19" epidemiyasının "Omicron" variantından sonra sona çatacağı ilə bağlı iddialara münasibət bildirərək, “Bəzi ölkələrdə peyvənd nisbətinin yüksək olması və "Omicron" variantının yüngül keçməsi "Covid-19" epidemiyasının bitdiyi barədə yanlış açıqlamalar yaradır” deyib. 

Peyvənd edilmədən epidemiyanın nəzarət altına alına bilməyəcəyini bir daha dilə gətirən Qebreyesus bütün ölkələri ÜST-nin peyvəndlə bağlı qlobal hədəfini dəstəkləməyə çağırıb.