Bu ölkədə köç məcburiyyətində qalanların yarısı uşaqlardır

  Mozambikdə iqlim dəyişikliyi və koronavirus (Covid-19) epidemiyası üzündən köç etmək məcburiyyətində qalanların yarısı uşaqlardan ibarətdir.

  Avropa İttifaqı (Aİ) Vətəndaş Qoruma və Humanitar Yardım Əməliyyatları Ofisindən verilən məlumatda bildirilir: “Hind Okeanı sahilindəki Şərqi Afrika ölkəsi Mozambikdəki insanların vəziyyəti ağırdır. İqlim dəyişikliyi və “Covid-19” epidemiyası kimi mənfi şərtlərə görə ölkədaxili köç məcburiyyətində qalan vətəndaşların yarısı uşaqlardır.

  Evlərini tərk edən insanların təcili köməyə ehtiyacı vardır.

  Uşaqlarda qeyri-kafi bəslənmə nisbəti 52 faizdir.

  Ehtiyac sahibləri ən çox qida və tibbi dəstəyə möhtac olduqlarını deyirlər”.