ABŞ İrana qarşı bәzi sanksiyaları lәğv etmәyә hazırlaşır

Amerika Birlәşmiş Ştatları İranın  nüvә müqavilәsi ilә üst-üstә düşmәyәn sanksiyaları lәğv etmәyә hazırlaşır.

Amerika Birlәşmiş Ştatları Dövlәt Departamentinin sözçüsü Ned Prays tәşkil etdiyi gündәlik mәtbuat konfransında nüvә müzakirәlәrini vә Avstriyanın paytaxtı Vyanadakı görüşlәri qiymәtlәndirib.

Ned Prays Amerika Birlәşmiş Ştatlarının İranla görüş keçirmәk üçün  tәlәsmәdiyini vә görüşlәrin çәtin keçәcәyinә hazır olduğunu ifadә edәrәk Vyanadakı görüşlәrin  sonunda ABŞ-ın maraqlarının qorunmasını arzu etdiklәrini bildirib.

ABŞ Dövlәt Departamentinin sözçüsü qeyd edib ki, İrana qarşı tәtbiq edilәn bәzi sanksiyaları lәğv etmәyә hazırlaşırıq. İranla nüvә müqavilәsi şәrtlәrinә geri qayıtmaq üçün lazımi addımları atmağa hazırlaşırıq.

Ned Prays bu mәrhәlәdә hansı sanksiyaların lәğv edilәcәyini açıqlamayacağını ifadә edib.