Qəzzada baş verən yanğında 10 nəfər ölüb

Qəzzanın şəhər mərkəzində baş verən yanğında 10 nəfər həyatını itirib, 57 nəfər yaralanıb.

Bu barədə Qəzzadakı Səhiyyə Nazirliyi tərəfindən verilən açıqlamada bildirilib:

“Şəhər mərkəzindəki “Nusayrat qaçqın düşərgəsi” bölgəsindəki bazar yerində böyük bir yanğın baş verib. Yanğın zamanı 3-ü qadın olmaqla 10 nəfər ölüb, 14-ü ağır 57 nəfər yaralanıb”.

Daxili İşlər Nazirliyi ciddi xəsarətə səbəb olan yanğına nəzarət edildiyini, ilkin məlumatlara görə yanğına çörək emal yerlərindən birində baş verən qaz sızıntısının səbəb olduğu bildirib.