ABŞ-ın İrana yeni sanksiya qərarı

ABŞ-ın Maliyyə Nazirliyi İraqdakı iki bazaya raket hücumundan sonra İrana qarşı yeni sanksiyalar tətbiq olunduğunu açıqladı.

Maliyyə naziri Stiven Mnucin Ağ Evdə təşkil etdiyi mətbuat konfransında "İranın Amerika və müttəfiq qüvvələrə hücumuna cavab olaraq əlavə sanksiyalar tətbiq edirik" deyib.

Mnuçin hücumla əlaqədar olaraq İranın metal sənayesini və İran hökumət nümayəndələrini hədəf aldıqlarını vurğulayıb.

Bu çərçivədə İranın alüminium, mis, dəmir və polad sektorları ilə yanaşı İraqda fəaliyyət göstərən 17 şirkət, ilə raket hücumunun təşkilində dayaq olduğu bildirilən İranın yüksək səviyyəli 8 səlahiyyətlisinə sanksiya tətbiq edildiyi vurğulanıb.

ABŞ prezidenti Donald Trump 9 yanvarda Ağ Evdə verdiyi açıqlamada İraqda iki bazaya hücumdan dərhal sonra İrana yeni sanksiyalar gətirəcəklərini açıqlamışdı.