"Çinin Uyğur Türklərinə etdiyi təzyiq siyasətinə reaksiya göstərilməlidir", M.Pompeo

ABŞ-ın dövlət katibi Mayk Pompeo bütün ölkələrini Çinin Sincan Uyğur muxtar bölgəsində  Uyğur Türklərinə yönəldilmiş təzyiq siyasətinə reaksiya göstərməyə çağırıb.

Pompeo Nyu-Yorkda Qazaxıstan, Tacikistan, Türkmənistan və Özbəkistan xarici işlər nazirlərilə keçirdiyi yığıncaqda terrorla mübarizədə birgə fəaliyyətlərin davam etdirilməsinin vacibliyini dilə gətirib.

Pompeo bütün ölkələri çinin Uyğur Türklərinə qarşı təzyiq siyasətinə etirazını bildirməyə çağıraraq, “Çinin Sincandakı təzyiq kampaniyasının terrorla əlaqəsinin olmadığını söyləmək lazımdır. Bu, Çinin öz vətəndaşlarının müsəlmanlıq inancını və mədəniyyətini məhv etmə təşəbbüsü ilə əlaqədardır” ifadələrini işlədib.