Tunisin devrilmiş lideri vәfat edib
Bu barәdә Zeynәl Abidin bin Әlinin vәkili Munir bin Saliha şәxsi internet sәhifәsindә yazıb.
Tunisin devrilmiş prezidenti Zeynәl Abidin bin Әli müalicә olunduğu xәstәxanada dünyasını dәyişib.
Bu barәdә Zeynәl Abidin bin Әlinin vәkili Munir bin Saliha şәxsi internet sәhifәsindә yazıb. O, qeyd edib ki, Zeynәl Abidin bin Әli Sәudiyyә Әrәbistanının Ciddә şәhәrindәki xәstәxanada vәfat edib.
Munir bin Saliha keçәn hәftә verdiyi açıqlamada Tunisin keçmiş liderinin xәstәxanaya yerlәşdirildiyini vә vәziyyәtinin ağır olduğunu bildirmişdi.
Daha sonra şәxsi ‘‘Facebook’’ sәhifәsindәn açıqlama verәn Munir bin Saliha Zeynәl Abidin bin Әlinin qızı Halıma ibn Әli ilә telefon әlaqәsi saxladığını vә Tunisin keçmiş prezidentinin vәziyyәtinin stabil olduğunu bildirmişdi.
Qeyd edәk ki, Tunisin 83 yaşlı keçmiş prezidenti Zeynәl Abidin bin Әli 2011-ci ilin 14 yanvar tarixindәn etibarәn Sәudiyyә Әrәbistanında yaşayırdı.
Әlaqәli Xәbәrlәr
Entoni Blinken İsrailə səfər edəcək
İsrailin KAN telekanalının yaydığı məlumata görə, Entoni Blinken aprelin 30-da İsrailə səfər edəcək.