Baham adalarında 70 min insanın ərzaq və içməli suya ehtiyacı var
“Dorian” qasırğasının böyük zərər verdiyi Baham adalarında 70 min insanın ərzaq və içməli suya ehtiyacı olduğu bildirildi.
“Dorian” qasırğasının böyük zərər verdiyi Baham adalarına səfər edən BMT baş katibinin humanitar işlər üzrə müavini Mark Loukok (Mark Lowcock) jurnalistlərə telekonfrans vasitəsilə qasırğanın səbəb olduğu böyük təxribat haqqında məlumat verdi.
Loukok “Dorian” qasırğasının bu ana qədər Baham adalarının məruz qaldığı ən böyük qasırğa olduğuna və bölgənin daha əvvəl bu səviyyədə bir təbii fəlakətlə üzləşmədiyinə diqqət çəkərək: "70 min nəfərin ərzaq və içməli su kimi təcili humanitar yardıma ehtiyacı var" dedi.
Baham adalarının səhiyyə naziri Duane Sands da fəlakətlə bağlı açıqlama verdi, qasırğa səbəbindən 7 olaraq bildirilən ölü sayının 20-yə çıxdığını və bu sayın daha da artmasına görə narahat olduqlarını söylədi.
Ölkənin baş naziri Hubert Minnis Marş limanı ətrafındakı tikililərin 60 faizinə zərər dəydiyini qeyd etdi.
Kateqoriya 2 səviyyəsinə geriləyən və Amerika Birləşmiş Ştatlarının şərqinə doğru irəliləyən "Dorian" qasırğanın Florida və Corciya ştatlarına çatması və Cənubi və Şimali Karolina da təsirli olması gözlənilir.
ABŞ Milli Qasırğa Mərkəzi gücü azalan "Dorian" qasırğasının hələ də təhlükəli olduğu və sürəti saatda 177 kilometrə qədər azalsa da, sel və su basqınlarına səbəb ola biləcəyi barədə xəbərdarlıq etdi.
Әlaqәli Xәbәrlәr
Rusiya Müdafiə Nazirliyi bəyanat yaydı
Rusiya Donetsk vilayətindəki Novokalinovo qəsəbəsini nəzarətə götürdüyünü açıqlayıb.