Mayk Pompeo vә Jeppe Kodof arasında telefon danışığı olub

Amerika Birlәşmiş Ştatlarının dövlәt katibi Mayk Pompeo  vә Danimarka xarici işlәr naziri Jeppe Kodof arasında telefon danışığı olub.

Bu barәdә ABŞ Dövlәt Departamentinin mәtbuat katibi Morqan Ortaqus jurnalistlәrә verdiyi açıqlamada bildirib. Morqan Ortaqus Pompeonun ABŞ prezidenti Donald Trampın Danimarkaya edәcәyi sәfәri lәğv etmәsindәn sonra bu ölkәnin xarici işlәr naziri ilә telefon әlaqәsi saxladığını söylәyib.

Morqan Ortaqus bildirib ki, Pompeo söhbәt zamanı  Danimarkanın qlobal tәhlükәsizlik mәsәlәsindәki sәylәrini  alqışlayıb. Tәrәflәr iki ölkә arasındakı Qrenlandiya daxil olmaqla Arktika bölgәsindә әmәkdaşlığın güclәndirilmәsi mәsәlәsini müzakirә ediblәr.

Qeyd edәk ki, Jeppe Kodof şәxsi ‘‘Twitter’’ sәhifәsindәn verdiyi açıqlamada  iki ölkәnin güclü әlaqәlәrә malik olduğunu vә ABŞ ilә Danimarkanın dost vә müttәfiq ölkәlәr olduğunu ifadә edib.