Sәudiyyә Әrәbistanı Kralı Qüds mәsәlәsini qiymәtlәndirib
Səudiyyə Ərəbistanı Kralı Salman bin Əbdüləziz Qüdsün tarixi və qanuni statusuna zərər verən hər növ addıma qarşı olduqlarını ifadə edib.
Səudiyyə Ərəbistanı Kralı Salman bin Əbdüləziz Qüdsün tarixi və qanuni statusuna zərər verən hər növ addıma qarşı olduqlarını ifadə edib.
Ərəb Birliyi və Körfəz Əməkdaşlıq Şurasının fövqəladə sammitindәn sonra Məkkədə ‘‘Әl-әlә gələcəyə doğru " adı altında keçirilәn 14-cü İslam Əməkdaşlıq Təşkilatının yığıncağı öz işinә başlayıb.
Yığıncaqda açılış nitqi ilә çıxış edәn Sәudiyyә Әrәbistanı Kralı Salman bin Әbdülәziz bildirib ki, Fələstin xalqı Ərəb Sülh Planı və beynəlxalq qərarlar çәrçivәsindәki qanuni hüquqlarını əldə edənə qədər Fələstin məsələsi prioritet tәşkil edir.
Sәudiyyә Әrәbistanı Kralı ölkəsinin Qüdsün tarixi və qanuni statusuna zərər verən hər növ addıma qəti şəkildə qarşı olduğunu ifadə edib.
Türkiyənin 2016-cı ildәn 2019-cu ilәdәk İslam Әmәkdaşlıq Tәşkilatına etdiyi sәdrliyi ilә bağlı Kral Salman bin Әbdülәziz deyib: ‘‘Türkiyә prezident cənab Rəcəb Tayyib Ərdoğana göstәrdiyi sәylәrә görә tәşәkkür edirәm’’.
Terrorçuların bölgəyə yenidən hücum etdiyini ifadә edәn Kral Salman deyib: "Keçәn hәftәlәrdә İran tәrәfindәn dәstәklәnәn terrorçular Sәudiyyә Әrәbistanında iki yanacaq doldurma mәntәqәsinә hücum edib’’.
Kral Salman bin Әbdülәziz regional vә beynәlxalq problemlәrә qarşı mübarizә aparmaq üçün İslam Әmәkdaşlıq Tәşkilatının yenilәnmәsinin vacibliyini vurğulayıb.
Sәudiyyә Әrәbistanı Kralı Salman bin Әbdülәzizin sәdrliyi ilә keçirilәn yığıncaqda 40 ölkәnin dövlәt vә hökumәt başçısı iştirak edir. Yığıncaqda Türkiyәni xarici işlәr naziri Mövlud Çavuşoğlu tәmsil edir.
Qәdr gecәsindә tәşkil edilәn yığıncaq Әrәb Birliyi vә Körfәz Әmәkdaşlıq Şurasının fövqәladә iclasından sonra keçirilir.
Yığıncaqda liderlәr Fәlәstin mәsәlәsi başda olmaqla, müsәlmanlara qarşı artan nifrәt, ekstremizm vә İslam alәmini maraqlandıran ortaq problemlәri müzakirә edәcәklәr.