ABŞ müsəlmanlarının siyasi fəallığı 25 faiz artdı

Ötən il Amerika Birləşmiş Ştatlarınıda noyabrın 6-da keçirilmiş  ara seçkilərdə müsəlmanların səsvermə səviyyəsinin əvvəlki ara seçkilərlə müqayisədə 25 faiz artdığı müşahidə olundu.

Ölkədə müsəlman icmasının siyasi hüquqları məsələsi ilə bağlı fəaliyyət göstərən qeyri-hökumət təşkilatı olan "Emgage" "2018-ci il ara imtahan müsəlman seçici iştirakı" başlığı ilə hesabat yaydı.

Veb saytında yayılan hesabatda 2014-ci il ara seçkiləri ilə müqayisədə müsəlman amerikalı seçicilərin 2018-ci ildə ara seçkilərində əhəmiyyətli ştatlarda 25 faiz nisbətində artdığı qeyd edildi.

Müsəlman əhalisinin sıx məskunlaşdığı Miçiqan, Virciniya, Ohayo və Florida ştatlarının qubernator və konqres seçkiləri üçün də açar ştatlar mövqeyində olduqları vurğulandı.

2014-cü ildə keçirilən ara seçkilərlə müqayisədə müsəlman seçicilərin iştirak səviyyəsi Florida ştatında 22 faiz, Ohayo ştatında 29 faiz, Virciniyada 31 faiz, Miçiqanda isə 19 faiz artıb. 2014-cü ildə verilmiş  səslər ümumilikdə təxminən 130 min olduğu halda, 2018-ci ildə 285 mindən çox müsəlman seçici səs verib.

Bu ştatlarda müsəlman seçicilərin bu nisbətdə iştirakının ölkədə 2020-ci ildə keçiriləcək prezident və konqres seçkilərinin nəticələrinə ciddi təsir göstərə biləcəyi ilə bağlı şərhlər verildi.