Nigerdә 3 günlük matәm elan edilib

Nigerin paytaxtı Niameydә baş verәn tanker faciәsi nәticәsindә 60 nəfərin hәlak olması  ilә әlaqәdar 3 günlük matәm elan olunub.

Ölkә rәsmilәri paytaxtın şәrqindәki Diori Hamani hava limanı yaxınlığında baş verәn partlayış nәticәsindә hәlak olanların sayının  60 nәfәrә çatdığını açıqlayıblar.

Mәlumatda bildirilib ki, bu kәdәrli hadisә ilә әlaqәdar 3 günlük matәm elan edilib.

Qeyd edәk ki, Nigerin paytaxtı Niameydə hava limanı yaxınlığında yanacaq tankeri partlayıb. Hadisә nәticәsindә hәlak olanların sayı 60 nәfәrә çatıb.

Nigerin daxili işlər naziri Bazoum Muhammed bildirib ki, mayın 5-dә  tanker park edərkən aşıb. Daşıdığı yanacağın sızdığını görən ətrafdakı insanlar onu borularla çəkməyə başlayıblar. Bu zaman əraziyə yaxınlaşan motosikletin motorundakı qığılcım partlayışa səbəb olub.