ABŞ-a mәxsus F-35 qırıcıları DEAŞ-ın mövqelәrini bombaladı

Amerika Birlәşmiş Ştatlarına mәxsus   F-35 qırıcıları terror tәşkilatı DEAŞ-ın  İraqın şimalındakı hәdәflәrinә ağır zәrbәlәr endirib.

Bu barәdә Amerika Hәrbi Hava Qüvvәlәrinә tabe olan Yuta ştatındakı  Hill hәrbi hava bazasından verilәn mәlumatda bildirilib.

Mәlumata görә, ABŞ F-35 qırıcılarını ilk dәfә istifadә edib.

Mәlumatda DEAŞ әleyhinә koalisiya qüvvәlәrinin F-35 tipli tәyyarәlәri ilә  DEAŞ-ın İraqdakı mövqelәrinә zәrbәlәr endirdiyi bildirilib.

Әmәliyyat çәrçivәsindә terrorçulara mәxsus sığınacaqlar, dәhlizlәr vә silah-sursat anbarları mәhv edilib.

Mәlumatda hәmçinin qırıcıların aprelin 15-dә Birlәşmiş Әrәb Әmirliklәrindәki Әl Zafra hәrbi hava bazasına göndәrildiyi qeyd olunub.