Koalisiya qüvvәlәri ilә Birlәşmiş Millәtlәr Tәşkilatı arasında müqavilә imzalanıb
Bu barәdә Sәudiyyә Әrәbistanının rәsmi SPA agentliyinin yaydığı mәlumatda bildirilib.
Səudiyyə Ərəbistanı rəhbərliyindәki koalisiya qüvvələri ilә Birləşmiş Millətlər Tәşkilatı Yәmәndә uşaqların silahlı münaqişәlәrdәn qorunması ilә әlaqәdar müqavilә imzalayıb.
Bu barәdә Sәudiyyә Әrәbistanının rәsmi SPA agentliyinin yaydığı mәlumatda bildirilib. Mәlumata әsasәn, müqavilә Әr-Riyadda koalisiya qüvvәlәrinә tabe olan Birgә Qüvvәlәr Komandanlığı ilә BMT rәsmisi Vircinia Qamba tәrәfindәn imzalanıb.
Gələn aydan etibarən uşaqların reablitasiyası üçün beynəlxalq kampaniya başlayacaq.
Yəməndə Husiler tərəfindən 24 min uşağın münaqişələrә cәlb olunduğu və münaqişə bölgələrində bu vəziyyətin davam etdiyi bildirilir.
Uzun müddətdir siyasi qeyri-sabitliyin hökm sürdüyü Yəməndə Husiler ilə hökumətə sadiq qüvvələr arasında qarşıdurmalar baş verir.
Yәmәnin paytaxtı Sana vә bәzi bölgәlәri 2014-cü ilin sentyabr ayından etibarәn Husilәrin nәzarәtindәdir.
Sәudiyyә Әrәbistanı rәhbәrliyindәki koalisiya qüvvәlәri 2015-ci ilin mart ayından etibarәn Husilәrlә mübarizә çәrçivәsindә Yәmәn hökumәtinә dәstәk verir.