Qәtәr vә Rusiyanın XİN rәhbәrlәri görüşüb
Qәtәrin Xarici İşlәr naziri Mәhәmmәd ibn Әbdürrәhman әl Sani ölkәsi ilә Rusiya arasında ‘‘S-400’’ havadan müdafiә sistemi ilә bağlı müzakirәlәrin davam etdirildiyini bildirib.
Qәtәrin Xarici İşlәr naziri Mәhәmmәd ibn Әbdürrәhman әl Sani ölkәsi ilә Rusiya arasında ‘‘S-400’’ havadan müdafiә sistemi ilә bağlı müzakirәlәrin davam etdirildiyini bildirib.
Mәhәmmәd ibn Әbdürrәhman әl Sani Qәtәrә rәsmi sәfәr edәn Rusiyanın Xarici İşlәr naziri Sergey Lavrov ilә paytaxt Dohada görüş keçirib. Tәrәflәr görüşdәn sonra birgә mәtbuat konfransında çıxış ediblәr.
Rusiya ilә ‘‘S-400’’ havadan müdafiә sistemi ilә bağlı müzakirәlәrin davam etdiyini deyәn Әl Sani bu mәsәlә ilә bağlı yekun qәrara gәlmәdiklәrini ifadә edib.
‘‘Texniki heyәt ilә mütәxәssislәr bu mәsәlәni müzakirә edirlәr. Rusiya ilә müdafiә sahәsindә әmәkdaşlığa dair müqavilә bağlamaq üçün onlardan cavab gözlәyirik’’,-deyә Mәhәmmәd ibn Әbdürrәhman Әl Sani qeyd edib.
Suriya mәsәlәsinә dә toxunan Әl Sani bildirib ki, Suriya böhran siyasi yolla hәll olunmalıdır. Suriyanın Әrәb Birliyinә üzvlüyünü tәxirә salmaq üçün bәzi sәbәblәr vardı. Bu sәbәblәr öz mövcudluğunu davam etdirir.
Qәtәrin Xarici İşlәr naziri Rusiyanın Fәlәstin mәsәlәsindәki sәylәrini mәmnuniyyәtlә qarşıladıqlarını bildirәrәk Sergey Lavrov ilә Fәlәstin problemini müzakirә etdiklәrini söylәyib.
Küveytin göstәrdiyi sәylәrdәn başqa Körfəz böhranının həll edilmәsi üçün hər hansı bir addımın atılmadığını da vurğulayan Әl Sani deyib: "Yaşanan böhranla bağlı ölkələrin mövqeyində bir dəyişiklik yoxdur’’.