Həmzə bin Ladinin başına 1 milyon dollar mükafat
ABŞ “Əl Qaidə”nin keçmiş lideri Usame bin Ladinin oğlu Həmzə bin Ladinin başına1 milyon dollar mükafat qoyub.
1154830
ABŞ dövlət departamenti bu barədə yazılı açıqlama yayıb. Açıqlamada Həmzə bin Ladinin “Əl Qaidə” terror təşkilatında yüksələn lider olduğu və 2015-ci ildən bu yana ABŞ hərbi bazalarına hücuma təşviq edən videolar çəkdiyi, 2011-ci ildə öldürülən atasının intiqamını almağa çağırışlar səsləndirdiyi qeyd edilib.
Məlumata görə, 2017-ci ildə qlobal terrorçular siyahısına daxil edilən Həmzə bin Ladinin ABŞ-dakı bütün sərvəti dondurulub. ABŞ dövlət katibliyi “Ədalət üçün mükafat” proqramı çərçivəsində onun yeri haqqında məlumat verənə 1 milyon dollar təklif edib.