Aqnes Kallamard İstanbuldakı görüşlәrini davam etdirir

Sәudiyyәli jurnalist Camal Xaşoqçi cinayәtini araşdırmaq mәqsәdi ilә Türkiyәyә sәfәr edәn Birlәşmiş Millәtlәr Tәşkilatının xüsusi mәruzәçisi Aqnes Kallamardın İstanbuldakı görüşlәri davam edir.

Aqnes Kallamard  cinayәtin detallarının açıqlandığı ‘‘Diplomatik vәhşilik’’ adlı kitabın müәlliflәri Fәrhad Ünlü vә Abdurrahman Şimşek ilә görüşüb.

Aqnes Kallamard ilә keçirdiyi görüşü qiymәtlәndirәn yazıcı, jurnalist Fәrhad Ünlü deyib:

"Birlәşmiş Millәtlәr Tәşkilatının xüsusi mәruzәçisi Aqnes Kallamard cinayәtin detallarını oyrәnmәk istәyir vә Türkiyәnin bu mәsәlәdә әmәkdaşlıq etmәyә hazır olduğunu deyib. Kallamard Türkiyәnin әlindәki dәlillәri onlarla bölüşdüyünü deyib’’.

Birlәşmiş Millәtlәr Tәşkilatının xüsusi mәruzәçisi Aqnes Kallamard İstanbuldan sonra Sәudiyyә Әrәbistanına sәfәr edәcәk vә mәhkәmә prosesini tәqib edәcәk.

Kallamardın  cinayәtlә bağlı hazırlayacağı hesabatı BMT İnsan Hüquqları Şurasının iyun ayında keçirilәcәk iclasında tәqdim etmәsi gözlәnilir.

Qeyd edәk ki, sәudiyyәli kurnalist Camal Xaşoqçi oktyabrın 2-dә ölkәsinin İstanbuldakı Baş Konsulluğunda vәhşicәsinә qәtlә yetirilmişdi.