Cәnubi Koreya vә ABŞ prezidentlәri G-20 Sammitində görüşdülər
Bu barədə Ağ Evin mətbuat xidməti məlumat yayıb.
Amerika Birləşmiş Ştatlarının prezidenti Donald Tramp Cənubi Koreya lideri Mun Ceyn (Moon Jae-in) və Avstraliya Baş naziri Skot Morisonla (Skott Morrison) ayrı-ayrılıqda görüşüb.
Ağ Evin mətbuat xidməti Donald Trampın Argentinada keçirilәn G-20 Liderlər Sammiti çərçivəsində Cənubi Koreya lideri və Avstraliya Baş naziri ilә ayrı-ayrılıqda görüşdüyünü açıqlayıb.
Ağ Evin mәtbuat katibi Sarah Sanders tәrәfindәn verilәn açıqlamada Tramp ilә Cәnubi Koreya lideri Munun Koreya yarımadasının nüvә silahlardan tәmizlәnmәsi üçün lazımi addımların atılması mövzusunda razılıq әldә etdiklәri bildirilib.
Açıqlamada hәmçinin qeyd olunub ki, görüş zamanı Tramp həmkarı ilə ikinci ABŞ-Şimali Koreya sammitini keçirmək niyyətini müzakirə edib.
Daha sonra Donald Trampın Avstraliya Baş naziri Skot Morrisonla görüşdüyü bildirilib.
Görüşdә iki ölkә arasındakı münasibәtlәrin müzakirә olunduğu qeyd olunub.
Donald Tramp Türkiyә Prezidenti Rәcәb Tayyib Әrdoğanla yanaşı Yaponiya, Hindistan vә Argentina liderlәri ilә görüşüb.