Emmanuel Makron Argentinada Mәhәmmәd ibn Salmanla görüşәcәk
Bu barәdә Fransa prezidentinin özü mәlumat verib.
Fransa prezidenti Emmanuel Makron (Emmanuel Macron) Argentinada keçirilәcәk G-20 sammiti çәrçivәsindә Sәudiyyә Әrәbistanının vәliәhd şahzadәsi Mәhәmmәd ibn Salmanla görüşәcәyini açıqlayıb.
Emmanuel Makron Buenos- Ayresdə keçiriləcək Böyük İyirmilərin sammitində iştirak etmək üçün Argentinaya sәfәr edib.
Makron sәfәri çәrçivәsindә bu ölkәnin dövlәt başçısı Maurisyo Makri (Mauricio Macri) ilә birgә mәtbuat konfransı keçirib.
Fransa prezidenti zirvә görüşündә Avropa dövlәtlәrinin liderlәri ilә sәudiyyәli jurnalist Camal Xaşoqçi cinayәtini müzakirә edәcәklәrini deyib.
Emmanuel Makron 30 noyabr-1 dekabr tarixlәrindә Argentinada keçirilәcәk G-20 sammiti çәrçivәsindә Sәudiyyә Әrәbistanının vәliәhd şahzadәsi Mәhәmmәd ibn Salmanla görüşәcәyini vә Camal Xaşoqçi mәsәlәsini müzakirә edәcәklәrini söylәyib.
‘‘Türkiyә vә Sәudiyyә Әrәbistanında aparılan istintaqın davam etmәsini, hәdisәyә aydınlıq gәtirilmәsini vә beynәlxalq ictimaiyyәtin bu prosesә daxil olmasını istәyirәm’’,-deyә Fransa prezidenti Emmanuel Makron qeyd edib.
Emmanuel Makron çıxışında hәmçinin Yәmәndәki humanitar vәziyyәtә dә toxunub.
Qeyd edәk ki, sәudiyyәli jurnalist Camal Xaşoqçi oktyabrın 2-dә Sәudiyyә Әrәbistanının İstanbuldakı konsulluğunda vәhşicәsinә öldürülmüşdü.
Әlaqәli Xәbәrlәr
Rusiya Müdafiə Nazirliyi bəyanat yaydı
Rusiya Donetsk vilayətindəki Novokalinovo qəsəbəsini nəzarətə götürdüyünü açıqlayıb.