Braziliyada torpaq sürüşmәsi beş nәfәrin hәyatına son qoyub

Braziliyada bir neçə nəfər torpaq sürüşməsinin qurbanı olub, xeyli sayda insan xəsarət alıb.

Bu barәdә Rio-de-Janeyronun mülki müdafiə xidmətinin rəhbəri Roberto Robaday mәlumat verib.

Roberto Robaday bildirib ki,  son iki gündə Rio-de-Janeyro ştatında güclü yağışlar yağıb. Təbii hadisədən ən çox Nitero bölgəsi zərər çəkib.

Məlumata görə, torpaq sürüşməsi zamanı beş nәfәr hәlak olub.

Rio-de-Janeyronun mülki müdafiə xidmətinin rəhbəri Roberto Robaday 11 nəfərin xilas edildiyini bildirib.

Axtarış-xilasetmə əməliyyatlarının davam etdirildiyi bildirilir.