Mayk Pompeo BMT Baş Mәclisinin 73-cü sessiyasında çıxış edib
Amerika Birlәşmiş Ştatlarının dövlәt katibi Mayk Pompeo (Mike Pompeo) Nyu-Yorkda keçirilәn BMT Baş Mәclisinin 73-cü sessiyasında çıxış edib.
Amerika Birlәşmiş Ştatlarının dövlәt katibi Mayk Pompeo (Mike Pompeo) Nyu-Yorkda keçirilәn BMT Baş Mәclisinin 73-cü sessiyasında çıxış edib.
Mayk Pompeo çıxışında ABŞ prezidenti Donald Trampın Şimali Koreya lideri Kim Yonq Inla keçirdiyi görüşlә Şimali Koreyadakı nüvә tәhlükәsinin tezliklә hәll olunacaq bir nöqtәyә gәldiyini söylәyib.
ABŞ dövlәt katibi Mayk Pompeo Şimali Koreya nüvә silahlardan tәmizlәnәnәdәk BMT Tәhlükәsizlik Şurasının ölkә ilә bağlı qәbul etdiyi qәrarlarının tәtbiq edilmәyә davam edәcәyini deyib.
ABŞ-ın Şimali Koreyaya neft vә kömür ixracını mәhdudlaşdıran sanksiyalarının pozulduğuna dair iddiaların olduğunu bildirәn Mayk Pompeo BMT üzvlәrindәn sanksiyalara hörmәtlә yanaşmalarını istәyib.
Mayk Pompeo Pxenyan rәhbәrliyinin nüvә silah proqramını sona çatdıracağı tәqdirdә Şimali Koreya xalqını daha parlaq gәlәcәk gözlәyәcәyini bildirib.
ABŞ Dövlәt Departamentinin mәtbuat katibi Hezır Noert dünәn verdiyi açıqlamada Mayk Pompeonun Nyu-Yorkda sәfәrdә olan Şimali Koreya Xarici İşlәr naziri ilә görüşdüyünü vә ölkә lideri Kim Yonq Inın Pompeonu Pxenyana dәvәt etdiyini qeyd etmişdi.