İngiltәrәnin Orta Şәrq mәsәlәlәri üzrә naziri Türkiyәyә sәfәr edәcәk

İngiltәrәnin Orta Şәrq mәsәlәlәri üzrә naziri Alistair Burt  Türkiyәyә sәfәr edәcәk.

Alistair Burtun paytaxt Ankarada Suriyanın İdlib bölgәsindәki proseslәrlә bağlı görüş keçirәcәyi bildirilib.

İdlib Suriyadakı müxaliflәrin vә vәtәndaş müharibәsinin gәlәcәyi baxımından kritik әhәmiyyәtә malikdir.

Bәşәr Әsәd rejiminin müxaliflәrin nәzarәtindә olan İdlibә mümkün hücumu  bölgәdә yaşayan insanları narahat edir.

Bu çәrçivәdә sentyabrın 7-dә İranın paytaxtı Tehranda Türkiyә, Rusiya vә İran Prezidentlәrinin üçtәrәfli zirvә görüşü keçirilmişdi.

Türkiyә Prezidenti Rәcәb Tayyib Әrdoğan vә  Rusiya prezidenti Vladimir Putin arasında Soçidә baş tutan görüşdә isә  İdlib  mәsәlәsi ilә bağlı  razılıq әldә edilmişdi.

Razılaşmaya әsasәn, İdlibdә oktyabrın 15-dәn etibarәn tәhlükәsiz zona yaradılacaq.