Nigeriyada daşqınlar nəticəsində 100-dən çox adam ölüb

Nigeriyada iki həftədir davam edən aramsız leysan yağışlarından sonra iki çay daşıb.

Bu barədə BBC agentliyi məlumat yayıb. Məlumata əsasən, Niger və Benue çaylarının daşmasından sonra yaranan seldə 100-dən çox insan ölüb.

11 əyalətdə ciddi fəsadlar yaranıb. Minlərlə insan isə evlərini tərk etmək məcburiyyətində qalıb.

Yağışların növbəti günlərdə şiddətini daha da artıracağı, insanların müvəqqəti olaraq təhlükəli bölgələrdən uzaqlaşmaları barədə xəbərdarlıq edilib.