Aralıq dənizindən Avropaya qaçanların çoxu afrikalıdır

  Liviyanın Milli Razılaşma Hökumətinə bağlı Dəniz Qüvvələrinin sözçüsü general-mayor Əyyub Kasımın verdiyi yazılı məlumatda bildirib: “Sahil təhlükəsizlik qüvvələri aralarında 11 uşaq və 80 qadının olduğu 270 qaçqını xilas edib. Eritreya, Cənubi Sudan, Misir, Qəmər (Komor) adaları və Banqladeş əsilli qaçqınlara lazımi kömək edildikdən aonra Qeyri-Qanuni Mühacirətlə Mübarizə İdarəsinə təslim edilib.

  Xatırladaq ki, paytaxt Tripolinin sahillərində 29 iyunda qaçqınları daşıyan gəminin batması nəticəsində 3 adam ölmüş, 16-sı xilas edilmiş, 100-dən çox adam isə itkin düşmüşdü.

  Yerli və beynəlxalq rəsmi mənbələrə görə, Liviyada 24 ölkədən miqrant var. Bunların 95 faizini Aralıq dənizi üzərindən Avropaya çatmağa çalışan afrikalılar təşkil edir.