Mərkəzi Amerika ölkəsi olan Hondurasda xüsusi bir təyyarə qəzaya uğrayıb

Fövqəladə hallar idarəsinin məlumatına görə, təyyarənin Tonkontin hava limanında qəzaya uğraması nəticəsində 6 ABŞ vətəndaşı yüngül xəsarət alıb. Xəsarət alanlar xəstəxanaya yerləşdirilib. Təyyarəyə ciddi ziyan dəyib.

İnsidentdən sonra Tequsiqalpe şəhərində yerləşən hava limanı bağlanıb. Hazırda gələn reyslər San-Pedro-Sula hava limanına yönəldilir, uçuşlar isə dayandırılıb.